Follow us on Facebook

Mujhay Aksar Woh Kehti Thi, " Mohabbat Kuch Nahi Hoti.

Mujhay Aksar Woh Kehti Thi, " Mohabbat Kuch Nahi Hoti... !! " 

Hijr Ka Khof Be-Matlab.... Wasal Ke Khawab Be-Maani... !! 
Koi Soorat Nigahon Mein Kahan Din Raat Rehti Hai... ? 
Ussay Kiyun Khamoshi Kahiye Ke Jis Mein Baat Rahti Hai... ? 
Ye Aansoo Be-Zubaan Aansoo Bhala Kya Bol Saktay Hain... ? 
Kahan Dil Mein Kisi Ki Yaad Say Toofaan Uthtay Hain... ? 
Kahan Palkon Ke Saye Mein Nami Din Raat Rahti Hai... ? 
Kahan Hoti Hain Woh Aankhein Jahan Barsaat Rahti Hai... ? 

Mujhay Aksar Yeh Kahti Thi, " Mohabbat Kuch Nahi Hoti... !! " 

Magar....... Jab Aaj Barson Baad Maine Usko Daikha Hai.... !! 

Uski Jheel Aankhon Mein Hijr Ka Khof Rahta Hai.... ! 
Wasal Ke Khawab Rahtay Hain... Wahan Barsaat Rahti Hai... ! 
Youn Lagta Hai Kayee Raaton Say Woh Soyee Nahi Shayad... ! 
Youn Lagta Hai Kissi Ki Yaad Ab Din Raat Rehti Hai... ! 
Aur Uski Naram Palkon Ke Haseen Saye Bhi Geelay Hain... ! 
Aur Uski Khamoshi Aisi Ke Jis Mein Baat Rahti Hai... ! 

Mujhay Ab Woh Nahi Kehti, " Mohabbat Kuch Nahi Hoti..<3
Mujhay Aksar Woh Kehti Thi, " Mohabbat Kuch Nahi Hoti. Mujhay Aksar Woh Kehti Thi, " Mohabbat Kuch Nahi Hoti. Reviewed by Bhagyesh Chavda on January 19, 2016 Rating: 5

No comments:

Powered by Blogger.